من ســـــــيربح المــــــــــازوت

من طرف **loulou** الخميس يناير 14, 2010 8:41 pm

عزيزي المواطن أهلا بك في برنامج من سيربح المازوت و نرجو لك التوفيق.
عليك الاجابة على الاسئلة التالية بنعم او لا علما ان كل سؤال تجيب عليه يخولك ربح ليتر من المازوت تقدمة محلات الثروات الباطنية السورية
السؤال الاول :
هل انت متزوج : اذا كان جوابك لا ستربح ليتر من المازوت و اذا كان نعم ستخسرلانو مرتك بتدفيك
السؤال الثاني :
هل تملك أكثر من غرفة : اذا كان لا ستربح ليتر اخر من المازوت و اذا كان نعم ستخسر لان وجود اكثر من غرفة يعني انك تملك غرفة ضيوف و بالتالي ستقوم بعزيمة الناس اليها و تقدمة الضيافة لهم وبالتالي مصاريف عالفاضي ستؤثر على الاقتصاد الوطني و اصلا هذا يعني انك مبحبح ماديا يخرب بيتك و لسا بدك دعم
السؤال الثالث :
هل تأكل أكثر من وجبة باليوم : اذا كان لا ستربح ليتر اخر و اذا كان نعم ستخسر لان تناول الطعام الزائد يؤدي الى تكديس طبقات من الدسم تحت الجلد تغني عن التدفئة بالمازوت
السؤال الرابع :
هل تمارس النشاط الرياضي : اذا كان لا ستربح ليتر اخر و اذا كان نعم ستخسر لان النشاط الرياضي يحتاج الى عملية حرق للسكر و عملية الحرق تحتاج الى مازوت و بالتالي ستقوم بصرف المازوت لغايات غير التدفئة يا ملعون وين رايح مفكر حالك اذكى منا
السؤال الخامس :
هل تملك اكثر من بطانية : اذا كان لا ستربح ليتر اخر و اذا كان نعم ستخسر و من شو بيشكي الدفا تحت البطانيات
السؤال السادس :
هل تملك صوبيا : اذا كان لا ستربح ليتر اخر و اذا كان نعم ستخسر لانك صاحب املاك ما شاء الله حولك ،الله يرزقك

اذا استطعت الاجابة بـلا على كل الاسئلة ستنتقل معنا الى برنامج الكهرباءو الى اللقاء في الحلقة القادمة مع كل جديد

من طرف **جار القمر88** الجمعة يناير 15, 2010 12:04 am

1_ معناتو بعمري ما رح أتزوج لأن المازوت أهم من الزوجة بهل الأيام
2_الحمدلله عندي غرفة لوحدي
3_ والله بدون كذب باكل ثلاث وجبات بس الله وكيلك وين الأكل عم يروح ما بعرف
4_الله أكبر ما بمارس النشاط الرياضي يعني قليل بس مو بقطعها كتير لأني بتبع لوحدي برنامج رياضي
5_ هل الدور رح أخسر لتر لأن عندي كتير والحمدلله
6_أستغفر الله العظيم يعني ضروري نخسر كل المازوت يا أخي عالقليلة تركينا لتر نظامي نشغل فيها الصوبيا

مشكورة لولو على هل المسابقة الرائعة بل أكثر من رائعة
بس على فكرة بالظاهر مافي أسئلة مساعدة متل اتصال بصديق

من طرف **loulou** الجمعة يناير 15, 2010 12:55 am

لا جار القمر لاتخاف على حالك يعني لسا ما وصلنا لهل مواصيل بس ان شاء الله رح يضلوا ورانا ورانا ليصير هالشي هههه bounce

من طرف **vipman089** السبت يناير 16, 2010 2:20 am

يسلم دياتك لولو عنجد ما وقفت ضحك من وقت الي قريت الموضوع وعكل حال انا مش حاربح ولا لتر لانو كل الاسئلة بجاوب عليها( بنعم )للاسف
بس شو بدنا نساوي رح نشكي امرنا لله و نحول صوبة المازوت لصوبة غاز اذا ما طلبو استمارة مع طوابع لقلبها مع تحياتvipman089(بحب الكل) smile7