لماذا ندم سوبرمان عند زيارته لسوريا ..؟!

من طرف **ليدي** الإثنين مارس 15, 2010 11:10 pm

[b]ها هو سوبرمان يحلق في الأعالي عائدا إلى منزله بعد انتهائه من سلسلة من المهمات
الإنقاذية المتعددة بنجاح [/b]
[b]لكن نداء الواجب استدعاه من جديد أثناء طيرانه ، إذ شاهد بنظره الثاقب
حريقا يندلع من إحدى الأبنية
،[/b]
[b]فتوجه نحو مركز الاشتعال فورا وكله أمل ألا يكون الأوان قد فات
.[/b]
[b]'
أوه هذه سوريا ' ، صاح سوبرمان ، ' وهذا البناء يبدو وكأنه مبنى تجاري أو ما شابه '
.[/b]
[b]وصل سوبرمان إلى الغرفة التي بدأت النيران بالتهامها ، وسارع إلى أقرب
خزان مياه ليفرغ ما فيه ويطفئ ألسنة اللهب
،[/b]
[b]وما إن انتهى من ذلك حتى سمع شخص يصيح به : ليش يا ابن الحلال؟
[/b]
[b]نظر الرجل الخارق إلى محدثه ليجد أمامه شخصا بنظرات غاضبة يتطاير منها
شرر لا يمكن هذه المرة إخماده
[/b]
[b]،
وقبل أن تتزايد علامات الاستفهام تابع ذلك الساخط حديثه :
[/b]
[b]يا أخي شو جابك لهون ؟ مين عزمك؟
[/b]
[b]وأجاب سوبرمان بعربيته المكسرة : أنا سوبرمان ومن واجباتي انكاذ الناس من
الاختار و ... [/b]
[b]سوبرمان ! لك هالأميركان بيضلوا بيحشروا حالن بكل شي. اخ منك واحد مزعج
وغليظ .[/b]
[b]أنا ما أم بفهم ؟ ليش حدرتك مزؤوج ؟
[/b]
[b]يعني لازم تعرف كل شي؟ يا عمي فيه مسئولين جايين يعملوا تفتيش بها لكام
يوم وعنا شوية فواتير
مضروبة[/b]
[b]ودفاتر جرد مغشوشة وحبينا نخلص منها جيت حضرتك خربت كل شي . خسارة كانت
حريقة ناجحة . وهلأ انقلع من هون
![/b]
[b]وطار سوبرمان وعلامات الدهشة لا تزال مرتسمة على وجهه , لكن ما أن خرج من
ذلك المبنى الحكومي[/b]
[b]،
حتى شاهد حافلة نقل داخلي تميل على أحد جنبيها .
[/b]
[b]وكعادته ، هبط سوبرمان أمام موقع الحدث ، فشاهد الركاب المحتشدين داخل
الباص ، فبدأ بإنزالهم واحدا تلو الآخر
.[/b]
[b]لكن صيحات الاعتراض علت من كل حدب وصوب
....[/b]
[b]سوبرمان : Whats up men ؟ ليش عم تسرخوا
؟[/b]
[b]مين قلك تنزلنا من الباص
؟[/b]
[b]الباص مليان كتير .. so much people ... so .. أنا خفت الباص يكلب أجنبو
..[/b]
[b]لك هادا عادي يا سوبرمان بيك ... أقل من عادي ...
[/b]
[b]أنا آسف ... فكرت مو آدي أنو ..
[/b]
[b]يعني بعد ما انتظرنا نص ساعة وطقينا الكرت بتجي أنت يا عملاق كبير
وبتطالعنا .. يلا صلّح غلطك
.[/b]
[b]وبسرعة قام سوبرمان بإيصال الجميع إلى منازلهم ... مجانا طبعا
.[/b]
[b]لكن من جديد ، لاحظ سوبرمان منطقة بأكملها غارقة في الظلام ، فشعر بالخطر
.[/b]
[b]توجه إلى المنطقة المعتمة ، وشاهد رجلا يقف على الشرفة , فذهب سوبرمان
إليه مسرعا [/b]
[b]وما أن وقف أمامه سوبرمان حتى فتح الرجل فاه وهم بالهروب وهو يصيح : جني
.....يا ناس .. يا ناس جني
.[/b]
[b]وئف لهظة هبيبي ، أنا سوبرمان ، أكيد سمئت أني .
[/b]
[b]بالله أنت سوبرمان ؟ لك أهلين أبو السوب ، لا تواخذني اللي ما بيعرفك
بيجهلك، بتشرب قهوة؟ [/b]
[b]شكرا ، بس ئلي هبيبي ، شو صار لي وأفت كهربا: (سيول ؟ أعاصير؟ زلزال؟)
[/b]
[b]ها ها ها والله دحكتني ، قصدي ضحكتني ، هيدا تقنين ... تقنييين .
[/b]
[b]شو يأني تكنين ؟ نهنا باميركا بتوأف كهربا لما بيكون في مسيبة كبيرة
[/b]
[b]هيدا عندكن ، هون الكهربا بتوقف لحالا وعطول . لك تعا شربلك فنجااان …..
نسكافيه إذا ما بدك قهوة .[/b]
[b]لكن سوبرمان اعتذر بلباقة .... وطار مسرعا في رحلته المستمرة حول العالم
[/b]
[b]مستثنيا سوريا من رحلاته حيث أصبح صديقنا متأكدا بأن : ما شاء الله الشعب
السوري ما عندو مشاكل ...
[/b]
[b]يخزي العين

قريباً.....سبايدر
مان
بات مان
كولدين مان
بلو مان[/b]

من طرف **vipman089** الثلاثاء مارس 16, 2010 1:46 pm

هههههههههههههههههههههههههههههههههههههههههههههههههههههههههه
والله مافيني قلك الا شكرا ومشكورة على هل الموضوع والله لا يعلق حدا بأيد الشعب السوري
تحياتي

لماذا ندم سوبرمان عند زيارته لسوريا ..؟!

لماذا ندم سوبرمان عند زيارته لسوريا ..؟!

رد: لماذا ندم سوبرمان عند زيارته لسوريا ..؟!