طلاب المعهد التقاني لادارة الاعمال والتسويق - حلب
اهلا و سهلا" بك زائرنا الكريم

تم الانتقال الى الموقع الجديد
الرجاء الضغط على الرابط للانتقال الى
الموقع الجديد
http://edara-sy.com


انضم إلى المنتدى ، فالأمر سريع وسهل

طلاب المعهد التقاني لادارة الاعمال والتسويق - حلب
اهلا و سهلا" بك زائرنا الكريم

تم الانتقال الى الموقع الجديد
الرجاء الضغط على الرابط للانتقال الى
الموقع الجديد
http://edara-sy.com
طلاب المعهد التقاني لادارة الاعمال والتسويق - حلب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
الساعة

مواضيع مماثلة
    المواضيع الأخيرة
    » هيا يا شباب وبنات سوريا يد بيد شدوا الهمة بســـــــــــــــــــــــرعــــــــــــــــــــــــــــــــة
    العيلة الحلبية Emptyالأربعاء مارس 23, 2011 3:09 pm من طرف حسام

    » هيا يا شباب قوموا بالرد على الجواسيس والخونة وبالتعبير عن حبكم لبلدكم سوريا الأسد
    العيلة الحلبية Emptyالثلاثاء مارس 22, 2011 2:03 pm من طرف حسام

    » العيلة الحلبية
    العيلة الحلبية Emptyالخميس مارس 17, 2011 11:26 pm من طرف حسن جانات

    » البوم فارس كرم الحمد لله حصريا" لاحلى اعضاء منتدى
    العيلة الحلبية Emptyالأحد مارس 06, 2011 2:48 pm من طرف حسام

    » مع او ضد ؟؟؟؟؟؟؟
    العيلة الحلبية Emptyالأربعاء مارس 02, 2011 6:18 pm من طرف عبد الرزاق

    » بدي اعرف علاماتي
    العيلة الحلبية Emptyالأربعاء مارس 02, 2011 3:31 pm من طرف عبد الرزاق

    » ألبوم قيصر الغناء العربي كاظم الساهر (كل الأغاني )
    العيلة الحلبية Emptyالأحد فبراير 27, 2011 11:32 am من طرف حسام

    » ألبوم وائل جسار (نحنا خلئنا مسلمين )
    العيلة الحلبية Emptyالأحد فبراير 27, 2011 11:19 am من طرف حسام

    » أغاني فيروز (للحلوين )
    العيلة الحلبية Emptyالأحد فبراير 27, 2011 11:14 am من طرف حسام

    » أغاني جورج الراسي (لكتب ع وراق الشجر )
    العيلة الحلبية Emptyالأحد فبراير 27, 2011 11:11 am من طرف حسام

    مكتبة الصور


    العيلة الحلبية Empty
    المتواجدون الآن ؟
    ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر

    لا أحد

    [ مُعاينة اللائحة بأكملها ]


    أكبر عدد للأعضاء المتواجدين في هذا المنتدى في نفس الوقت كان 38 بتاريخ الثلاثاء أبريل 04, 2023 4:00 pm
    ترتيب الموقع عالميا"
    alexa

    ملاحظة
    للتبليغ عن مشكلة أو أي استفسار
    مدير المنتدى
     الزميل : احمد الطيب
    جوال: 0991820396
    او التواصل عبر ايميل المنتدى
    تصويت

    هل ترغب بالانضمام الى مثل هذا التطوع في المرة القادمة

    العيلة الحلبية Vote_rcap85%العيلة الحلبية Vote_lcap 85% [ 11 ]
    العيلة الحلبية Vote_rcap8%العيلة الحلبية Vote_lcap 8% [ 1 ]
    العيلة الحلبية Vote_rcap8%العيلة الحلبية Vote_lcap 8% [ 1 ]

    مجموع عدد الأصوات : 13


    العيلة الحلبية

    اذهب الى الأسفل

    العيلة الحلبية Empty العيلة الحلبية

    مُساهمة من طرف حسن جانات الخميس مارس 17, 2011 11:26 pm

    (تحليل مهم للبنية التنظيمية للعائلة الحلبية) بقلم : واحد من العيلة


    العيلة الحلبية Selector

    في كل عيلة حلبية تلاقي نفس الشخصيات اجباري

    الشخص الخفيف الدم .. اللي بيسلي القعدة
    و عادة بيكون لسانه زفر شوي ومسموحله يحكي شو ما بده
    طول ما هوه عم بيضحِّك بالبشر
    و هوه اللي خالد لما يخطب لميا، بيحكيلها عنه
    لو تشوفي ابن عمي زياد نهفة .. بموتك من الضحك
    و بيجي زياد عالقعدة نافش ريشه لأنه عارف شو بينحكى وراه
    و شو ما حكى زياد .. الكل بيضحك
    حتى لو حكى صباح الخير

    كاتب العيلة او شاعر القعدة
    بيكون عادة زلمة شوي كبير بالعمر .. من اللي بيعرفوا شو يعني كتب وقراءه
    الزغار بيشوفوه ممل لأنهم مو فاهمين شو عم يحكي
    والكبار بيقعدوا حوالية متظاهرين
    إنهم مهتمين و مبسوطين
    ***
    نمّامة العيلة
    وهاي عادة بتكون زوجة أحد الأعمام أو أولاد العمام
    ما بعرف ليش !!! ما تسألوني
    هاي اللي عندها الأخبار دايماً
    و أخبارها لازم تشيل نصها وتستفسر عن النص الباقي لأنه يمكن يكون كذب
    مشان توصل للحقيقة بتبهر وبتفلفل على خاطرها
    وبتضيف من عندها بيحبوها النسوان وبيكرهوها وبنفس الوقت
    بخافوا منها
    بتحس هية بأهميتها لما حدا يسألها شو الأخبار؟؟
    و بتفرد حالها وبتبلش تذيع وبالآخر بتقلك: بالله ما تجيبي سيرة
    إني قلت لك!! أنا شو خصني
    بتعرفيني بمشي الحيط الحيط وبقول يا رب السترة
    ***

    غنيّة العيلة
    كل عيلة فيها واحد بيكون أغنى من الكل
    و بكل عيلة بتكون مرته مركز نظر النساوين شو لبست ووين راحت
    و شو عملت
    و بتكون نمامة العيلة متل الدنب الها .. منشان تجيبلون الخبر اليقين
    بتحكي من طرف مناخيرها
    و بتقعد عطرف الكرسي .. كأنها قرفانة
    و إذا بتضيفها شي .. إما بترفضة أو بتاخده بس ما بتاكله ع أساس إنها شبعانة ببيتها
    كلامها وأحاديثها لا تتعدى شو عملت الفلبينية
    و كيف تخانقت مع السيرلنكية
    و أديش الشوفير منشف دمها
    يعني كمان شوي .. بتحزن عليها
    ****

    مصرف العيلة (بللوعة العيلة )
    بيقولك كل عيلة متل الحمّام إلو مصرف
    (مو بنك !! بللوعة قصدي)
    و مصرف العيلة هوة الشخص اللي بيجيب العار للعيله بعمايله السودا
    بيستعرّوا منه .. بس كمان بخافوا منو لأنو بايعها ومو فارقة معه
    بيكون عادة صحبة مع زياد اللي بيشوف فيه مصدر هام للتنكيت
    ***
    كبير العيلة
    و هذا اللي بدك تسد بوزك وتسمع له وهوه بيعيد القصة مرّة ورا مرّة
    لحتى تقرف حياتك وعمرك ..بيحكيلك قصص أيام الحصيدة والثلجة الكبيرة
    ولما كان بالجيش والسفر برلك
    نص قصصه كذب بكذب
    مو بيقولو ما أكذب من شب تغرب .. إلا ختيار ماتت أجياله؟
    كان رح يشتري نص الشام
    والحواليها .. انعرض عليه بألف ليرة
    لما كان كيلو اللحمة بعشرين قرش
    ***

    متغرّب العيلة
    كل عيلة فيها على الاقل واحد بالخليج
    بيجي بالصيف والكل بيكون يستنى الهدايا
    لما يوصل بيلاقي الكل متجمع والكل بيسلم عليه
    و بتكون أمه عاملتلو يبرق (ورق عنب) وكل أنواع الكبب وكوسى محشي
    و شباب العيلة بينلموا ... واشتقنالك يا أبو الزوز
    و شفلنا شغل معك والله اخوك مو لاقي يحلق
    كأنه المسكين صاحب شركه هنيك
    طبعاً التش والتخويت بيكون على أبو موزة
    و بيحكيلك عن سيارته المرسيدس وبيته الطابقين .. وبيكون عايش مع تلاتة بغرفة
    بعد يومين بتلاقيه قاعد عالبلكونة بالفانله
    لحاله عم يشرب شاي
    ولا حدا سائل فيه
    و أمه بالمطبخ عم تعمل مجدرة
    ****

    عزابي العيله
    او الدون جوان النسونجي
    بيكون حليوه (نسبياً طبعاً)
    و بس يزور حدا من القرايب عندهم بنات بينضبوا
    و بيصيروا يبصبصوا عليه من بعيد وبتشتغل المسجات
    هدا بيكون عنده شوية غرور على شوية عجرفة
    بيقعد وبيحط إجر على إجر
    و عادة بيصير عمرو فوق الأربعين وما تجوز
    و بيضل يشتري سيارات هونداي و كيا على أمل إنها تصيد
    بكل قعده بيحكي عن غرامياته وبيتجمعوا حوليه شباب العيله
    و بيصير يورجيهم صور ومسجات
    وكمان بيكون صحبه مع زياد ومصرف (بللوعة) العيله وبيسهروا سوى

    شقفة العيلة
    أحلى بنت بالعيلة
    بتكون محط أنظار أولاد العم والخال بس هية نظرها بعيد شوي
    بتمشي يا أرض اشتدي ما عليكي قدي
    و بتقعد مع نساوين العيله مشان يصيروا يمدحوا جمالها
    وكمان متل دون جوان العيله ما بيعجبها العجب وبتطول لتتجوز
    إذا تجوزت أصلاً
    ما بتكون صحبة مع بنات العيلة .. وبتلاقيها دايماً في الأعراس
    بتتلقط عريس من بعيد
    من مبدأ عيني فيه .. وتفو عليه
    ***

    دكتور العيلة
    وهذا المسكين اللي ما بيتهنى بقعده
    بس يوصل لمحل بيلتموا عليه ، ويا أمي مو قدرانه .. وخواصري عم توجعني
    و شوف يا بابا مبارح لما .... ( وبيصير يوشوش)
    واللي بتنادي إبنها: تعال ورجي الدكتور حلقك
    هاتي معلقه يا غدير خليه يشوف حلق أخوكي
    واللي بيعرض عليه روشتات دكاتره تانيه
    و اللي بيجيبله صور أشعه
    و اللي بقلوا شفلي ضغطي
    طبعاً كل القاعدين بيفحصوا ضغطون بعده
    و كل حياته بتكون هيك بغض النظر إن كانت زيارة أو عرس أو حفلة
    طبعاً هوه ما بيقصّر
    و طبعا دائما كلمته الشهيرة : مين الحمار اللي عطاك ها لدوا .. كبّو وبكتبلك غيره
    ***

    كمبيوترجي العيلة
    هذا طبعاً بعد طفرة الكمبيوتر صار له أهمية كبيرة
    بالأول كان الفاشل التافه اللي ما بيعرف شي .
    وضعه متل دكتور العيله
    وبتقول أمه
    بس ييجي علاء بيزبطلك الكمبيوتر
    و الله ما في أشطر منه
    مبارح خلانا نشوف عمر دياب
    و بييجي علاء المسكين
    شوف كمبيوتر إبن خالتك ريم اللعبه ما بتشتغل
    و بيجي حموده إبن ريم وبيقعد يتفرج على علاء
    مثله الأعلى بالحياة وهوه بيشغّل الكومبيوتر
    و بينبهر حموده
    و بيفهمه علاء إنه منشان تقدر تلعب اللعبه يا حمار
    لازم بالاول تشغّل الكومبيوتر
    ***

    طفل العيلة الموهوب
    هذا اللي بكل لمه بينادوه يغني
    تعا عبود غني لعمو غنية أليسا لو تشوفو كيف بغنيها
    وطبعاً في نوعين من عبود في عبود اللي ما بيستحي
    و بتلاقيه قرفك عمرك وهوه بيعيد بالغنية
    وأمه فرحانة فيه وكل شوي بتقول ما شاء الله
    كأنه ما حدا خلّف غيرها
    أو النوع اللي بتطلع روحك وأمه عم تقنعو يغني
    ولك يلا .. ورجي العمو أديش إنت شاطر
    و بتصير إنت بدك تخلص
    بتقوله غني حبيبي بعطيك شوكالاطه
    و بيكون بجيبتك شوكولا مفعصه من عرس قديم
    بتورجيه ياها كنوع من الاغراء
    و في حالة كان دكتور العيله قاعد بيجي التهديد المباشر
    إزا ما بتغني الدكتور بيضربك إبرة
    بتلاقيه صار يغني ونص أصابيعه بتمه
    و بتصير أمه تعطي أعذار .. وبتعصّب عليه
    مع إنك بالبيت طول نهارك عم تغني روح انئلع من وجهي


    وهاي يا ناس يا كرام ... قصص العِيَل في حلب

    حسن جانات
    حسن جانات
    العضو المميز
    العضو المميز

    ذكر

    الماعز
    عدد المساهمات : 163
    العمر : 32
    myMms : احبك موت
    الجوزاء sms
    احترام قوانين المنتدى احترام قوانين المنتدى : العيلة الحلبية 111010
    نقاط : 387
    السمعة : 0
    تاريخ التسجيل : 07/12/2009
    الموقع : الحمدانية

    الورقة الشخصية
    نرد: 2

    الرجوع الى أعلى الصفحة اذهب الى الأسفل

    الرجوع الى أعلى الصفحة

    - مواضيع مماثلة

     
    صلاحيات هذا المنتدى:
    لاتستطيع الرد على المواضيع في هذا المنتدى