الشب السوري

الشب السوري :
بيحمل باكيت الدخان والموبايل ومفاتيح السيارة (أو البيت إزا مافي سيارة) والقداحة


والبوكت مونيه كللللللون بإيد... والسيجارة بالإيد التانية
كيف بيساعو ما حدا يسأل

لما بيسوق بيرجّع المقعد لورا عل أخير وبينجعص وبيطبّق البنات والشباك نص فتحة


لما بيسوق بيطلع إيدو من الشباك وطبعاً السيجارة موجودة على طول


بيلبس بوط مبوّز من إدّام


وين ما قعد دغري بينجعص


البوكت مونّي على طول (مطنبر) بالجيبة الورانية


لما يحكي مع بنت على التلفون بيبلش يناديلها: إيه حبيبي من أول تلفون


ولا تقولو لااااااااااء... كلكون بتعملوها


لما بيجي عل إمارات ما بيشتري إلا مارسيدس أو بي إم وبيضل يقسّط حقها شي 10 سنين

يعني معو عقدة البي إم والمارسيدس




الشب السوري بمراهقته ولوقت ما بيخلص دراسة ما بيخلي بنت من شره وبس بده يتجوز


بيدور ع وحدة عمرها 16 سنة!



الشب السوري أول ما بيحكي مع البنت بيصير بدو يلبّسها على كيفو ويمشيها على كيفو


وبيصير بدو ياها تاخد إذنو أبل ما تروح لأي مكان...



الشب السوري بيفكر حالو أفهم واحد بالعالم وما بتفوتو الفايتة


الشب السوري يا حبيباتي...لما يشوف بنت روسية بتشط ريالتو وبيسكّر مخو وما عاد بيطسّ


إدّامو وبيبطّل يجمّع


الشب السوري يا حبيباتي لما بيكون قاعد بشي كافيه وبنت بتمرء من جنبو بيضل يشئلها من


فووووووووووء لتحت لحتى توصّل على بيتها


وطبعاّ وهو منجعص والأركيلة بإيد والموبايل بلإيد التانية


لا حدا يقلي غلط هالحكي كلو موثق

طولي بالك علينا آنسة نور
والله الدنيا لسا فيها خير
وماو فخر بنفسي بس يعني بصراحة وبدون حلفان انا هيك نوع من الشباب ما بحبوا وهاد الشي ألي عم تحكي عنو بيرجع للأصل يعني لتربية الاباء للاولاد والحمدلله انا مو من النوع الي عم تحكي عنو
مشكورة نور

طولي بالك نور مولهل درجه أذا كان الشاب السوري هيك لكانت خربت الدنيا

مشكوره لطرحك الرائع تقبلي مروري